Зүүдний тэмдэглэл

зүүд, зөн совин

Зүүдэнд эмчлэгч ирсэн нь

2016 оны 08-р сарын 31 Нийтэлсэн Аялагч зүүдчин, Зүүдчин

Нэгэн шөнийн зүүдэнд буутай хүмүүстэй дайралдан нуугдаж зугтаасан боловч яаж ч чадалгүй баригдчихлаа. Энэ хүн харчихлаа түүнийг ал гэхэд цуг явсан эрэгтэй эргэлзсэн шинжгүй шууд буудахад зүрхэн тус газар сум шунгинан орлоо. Зүрхрүү сум орох үеийн физик шинж чанарыг бүрэн мэдэрлээдээ. Үхэдхийн унах үедээ өөрийгөө тайвнаар ажиглахад цус урсахгүй байлаа.

Цус гарахгүй байна гэхдээ түргэн дуудий гээд би өөрөө эмч дуудлаа. Түргэний эмч ирээд зогссон зүрхрүү минь шууд л тариур зоон тарихад надад ямар нэг зүйлийн бөглөөс гарах мэт л амьсгал дүүрэн амь орлоо. Сэрэхэд би арай хийн амьсгалж буй мэт, зүрхний цохилт хэт буурсан, маш их гүн нойрссон шинжтэй байлаа.

Хэд хоногийн дараа дахиад л ухамсартай унтаж байлаа. Амьсгалаа ажиглахад дунд нь тасалдах юм. Ухамсараа алдах агшинд зүүд болон үргэлжиллээ. Зүүдэнд найз эмч маань иржээ. Амьсгалын аппарат зүүлгэхэд уушиг руу агаар сэрүү татуулан сэнгэнэн орно. Агаар амьсгалах ийм сайхан билүү гээд л талархалаа илэрхийлсээр сэрлээ.

Ерөнхийдөө зүүдээ ажиглахад бие муудах, унтаж буй ахуйд бие махбодод ямар нэг аюул тохиолдох үед зүүдэнд эмчлэгч нар ирдэг нь хүний амьд үлдэх зөн ажиллаж буй шинж гэж би боддог.

Ихэвчлэн хэн нэгэн сүнс сүүдэр, ачлалт бурхан гэхээсээ илүүтэйгээр хүний амьд явах хүчтэй зөнтэй холбоотойгоор амьд үлдэх код үхлийн эсрэг хүчтэй эсэргүүцэл үзүүлэн ачит эмчийн дүрээр айлчлан ирж хэт тайвширсан тархи, бие махбодод команд өгөн ажиллуулдаг байх гэсэн таамаглалтай байна.

Мөн дотны хүндээ тулгарч байгаа аюулыг мэдрэх боломжтой бөгөөд аюул тулгарахад  өөрийн сүнсэн биеэр очиж тусламж үзүүлэх, програмчилах тохиолдол байхыг үгүйсгэхгүй юм. 

Амьд үлдэх зөн сайтай хүмүүс ихэвчлэн ухамсарын өндөр түвшинд хүрсэн хүчирхэг, тэмцэгч хүмүүс байгаа нь ажиглагддаг.

Сүнсэнд тарни цээжлүүлсэн тухай зүүд

2016 оны 07-р сарын 18 Нийтэлсэн Аялагч зүүдчин, Зүүдчин

Би бүүдгэр гэрэлтэй өрөөний буланд зогсон тольдон суулаа. Толинд харж зогсоход толинд хүн орж ирж байгаа нь тодорхой харагдлаа. Эргээд харахад нас барсан танил маань өрөөний хаалгаар ороод ирэв. Зүүдэндээ би өөрийгөө сэрүүн ахуйд амьдран байна гэж сэтгэж байлаа. Ингээд л нас барсан хүний сүнсийг амьд юм шиг харах мөч тохиодийн байжээ хэмээн гайхширангаа нас барсан хүний сүнстэй шууд харилцаж үзий гэж бодлоо. Тэгээд гараа сунган танилынхаа гараас барьж

- Та сайн уу, сонин сайхан юу байна гэхэд

- Танил маань: Сониноос би чамд нэг зүйл дуулгах гээд их яарлаа. Би хэзээ буцаж ирэхээ баттай мэдсийшүү, 2017 он гэлээ.  Ирэхдээ өргөрөг уртрагийн координат давхцах шиг, намайг орлох юм шиг тийм мэдрэмж төрлөө.

 - Тэгээд өөр сонин сайхан гээл гээл би амьд хүнтэй ярьж байгаа мэт нас барсан гэдгийг нь мартан буу халж суулаа. Гэнэт багш маань хажууд ирэн  одоо болсон яриагаа дуусга нас барсан хүнтэй удаан ярьвал биежийшүү. Наадуул чинь өөрсдийгөө амьд гээд бодчино, одоо явуул гэв. Би ч гэнэт огцом нас барсан хүнтэй ярьж байгаагаа ухаарч багшаа маань уншиж өгий гээд нэгэн маань уншаад харахад нөгөөх бүүр инээд алдаад гэрэл нь нэмэгдээд байна шүү.

Тэгээд за энэ болохгүй юм шиг байна ум маани бадми хум гэж унший гээд өмнө нь завилан суугаад залбиран ум маани бадми хум хэмээн уншлаа. Тарниа уншингаа дагаад хэл гэхэд уруул нь зууралдан өгүүлбэрээр нь хэлж чадахгүй байнаа.

Нүд болоод уруул руу эгцлэн харж анхаарлаа төвлөрүүлэн тарнийн үгийг нэг нэгээр нь уншин цээжлүүллээ. Харц нь хар бөгөөд ёроолгүй гүн гэрэл цацрахгүй, уруул нь үртчлээтэй боловч махлаг сайхан 60 гаран насны төрх, цэцэгтэй шар цамцтайгаа дүрслэгдэж байлаа. Одоо ч гар нь гарт баригдаж халуу оргиулах мэт болж байна. Ум гэхэд дагаад хэлж байна маани, бадми, хум гээд нэг нэгээр нь хэлж цээжлүүлэхэд өөрөө давтан гурвантаа уншаад бүдгэрэн алга болов. Багш дуусан дуустал хажууд байлаа. Багш хүн гэдэг ийм л түшигтэй. Туршлага багатай шавийгаа хамгаалдаг. Сэрээд цаг харахад үүрийн 4 өнгөрч байв. Сэрсэн хойноо танилыгаа жинхэнээсээ амьд байгаа билүү өнгөрсөн билүү гэж хэсэг самуурсан ч нас барсан гэдгийг нь амархан ухаарлаа. Бүтэн цаг унтахгүй хөрвөөсний эцэст астрал хийхээр шийдэн биеэ унтуулж толгойн оройгоороо гарч дараагийн аялалдаа гарлаа. 

Сонгуулийн тухай зүүд

2016 оны 07-р сарын 07 Нийтэлсэн Аялагч зүүдчин, Зүүдчин

Сонгууль болоод өнгөрсөн болохоор зүүдээр хэрхэн зөгнөснөө бичий.

Миеэгомбын Энхболдыг их л тод зүүдлэв. Маш их төвлөрсөн хүч зарцуулсан, санаа тавьсан

шинжтэй янз бүрийн ажил зохион байгуулна. Ийм их зүйл хийдэг юмуу үйлийн үр нь ирэхгүй

юу гэхэд одоо яахавдээ  ялж л байвал гэв. Хэдэн хувиар давуу байх болдоо гэтэл оршихуйгаас

65 хувь гэж хэлэх шиг боллоо. 

Тайлал: 65 хүн МАН-аас яллаа. Энэ тоо хувиар илэрхийлсэн тоо биш байж хүний тоо

байлаа..

2. Би өөрийнхөө байдаг түвшнээс нилээн доошлоход цаанаа л нэг танил, өмнө нь миний

зорчдог байсан  харанхуйн хэсэгт ирсэн байлаа. Тэнд нэгэн эр Баттулгын төлөө саналаа

өгөөрэй гэлээ.

Би яагаад вэ хүмүүс түүнийг муу хүн гэж хэлэлцэх юм гэтэл  "Тэртэй тэргүй ялагдах юм чинь

санал өгөхөд яахавдээ" хэмээн инээвхийлэв.


Тайлал: Баттулга ялагдлаа.

Бодлын манан

2016 оны 02-р сарын 19 Нийтэлсэн Аялагч зүүдчин, Зүүдчин

Нэгэн удаа зүүдний гэгээн гэрэлд үл ялиг усны уур дэгдэх мэт ажиглагдах үест энэ юу вэ гэж гайхшран  асуухад оршихуйгаас үйлийн үр ингэж харагддаг юмаа гэж хариулж билээ.

Энэ удаа зүүдэндээ нэгэн эмэтгэйд үг хэлэх гэж зорилоо. Ямартай ч би түүний тухай түмэн муу зүйл сонссон ч дотроо хайрлаж, үзэн ядах сэтгэл төрөхгүй байв. Юу гэж хэлбэл энэ эмэгтэй үйлийн үрт амьдралаасаа бага зэрэг гэсэн хөндийрөх бол..... гэсэн бодол тээсээр унтах нойр руугаа явлаа. 


Биенээсээ сугарсан агшингаас л битүү цайвар саарал манан дунд нисэж байгаагаа анзаарлаа. Юу ч харагдахгүй юм. Тэрхүү өтгөн манан, үүл мэт зүйлийг нэвтэлж харж чадахгүй байсан тул очих хүнийхээ дүр төрхийг төсөөлөн нислээ. Осолтгүй л гэр дотор нь ороод ирэх шиг болсон авч аанайл юу ч харагдахгүй хэвээр зөвхөн мэдэрч болж байлаа. Хараагүй хүн шиг эсхүл харанхуйд тэмтчин яваа мэт тэмтчин явсаар эмэгтэйтэй ширээний 2 талд суунгаа ярилцаж та хүн битгий зовоож бас битгий гүтгэж байгаарай  гэж хэлэхэд  тэр эмэгтэй ЗА гэсэн хариу хэллээ. 

Юун их битүү үүл, манан бэ ээ бурхан минь гэж бодсон ч учрыг нь сайн олсонгүй биедээ ирлээ.  Бодох тусам урьд өмнөхийн зүүд санаанд орж тэрхүү өтгөн манан бол бодол байж шүүдээ гэсэн хариулт олдлоо.

Яасан айхтар их бодлуудад дарагдсан  эмэгтэй вэ. Энэ өтгөн мананг нэвтэлж харах арггагүй шүү дээ. Хөөрхий эмэгтэй хүн зовоогоод байдаг нь аргаггүй юмаадаа. Өөрөө ч бас зовлонт мэдрэмжүүдийг амсаж л байгаа.  Эдгээр бодол бүр үйлдэл хийхийг тулган шаардана. Одоо намайг бод, одоо намайг бод гээл тал талаас нь дайрна. Сүүлдээ алийгаа ч бодохоо мэдэхгүй самуурч ааш зан муудна, аль тааралдсан бодлын хүслийг гүйцээж үйлдэл хийнэ. Нойр нь ч хүрэхгүй байгаадаа аягүй бол...


Надад бол сохор мэт амьдарч байгаа түүнийг хараад өрөвдөх сэтгэл төрлөө. Цонхоороо хар л даа. Гадаа хичнээн үзэсгэлэнтэй харагдана вэ. Найгах мод, урсах ус, тэнгэрт харвах од, мөнх бусыг сануулан ээлжлэх улиралууд.... бас мөнхийн ХАЙР.  Ийм өтгөн мананг нэвтэлж хайрын наран тусахгүй шүү дээ гэж хашигирмаар санагдлаа.  

Жинхэнэ хайрын амтыг мэдрэхгүй амьдрах туйлын харамсалтай. Хүн ер нь мэдэхгүй зүйлээ хэзээ л хүсэж байлаадаа.

Бодлын хучаасыг яр ингэвэл үйлийн үр ярагдана шүүдээ гэж хэлмээр санагдсан ч хувь хүнд өмчлөгдөж байгаа бодлуудыг сарниулалгүй ухамсарын гүнд нь хүн битгий зовоож байгаарай гэж хэлээд л буцлаадаа. Хүн зовоохгүй байх юмсан гэдэг хүсэл бодол нь үйлийн үрээс нь  гэтэлгэх болтугай. 


Бодол үгүй бол ийм тод харагддаг юм шүү дээ гэх үг зүүдэнд ирсэнсэн.....

Хайрын урвал

2015 оны 12-р сарын 04 Нийтэлсэн Аялагч зүүдчин, Зүүдчин

Wednesday, June 18, 2013 онд ийм зүүд бичиж байжээ. Тухайн үедээ зүүдээ тайлж чадаагүй юмдаг. Ингээд  2 жилийн өмнөх зүүдийг оруулий.

(Урьд шөнө нээх сайхан ааштай, залуухан, толгойдоо нүсэр гоёлтой, шүр болсон малгайтай, сайхан сэтгэлтэй, инээд цалгиулсан нэгэн эмэгтэй зүүдэнд ирлээ. Нөгөөх л эмэгтэй гэж би бодож байна. Тэр намайг үзсэнээ их сайхан болжээ гэхдээ нэг засал хийчихье гэснээ миний толгойг барьж өгөн үлээв. Тэгээд л би нилээн их юм асуулаа. Их мэргэн юмаа гэж би бодож байлаа. Асуусан зүлйээсээ хэдхэнийг нь л санаж байна.

Би хэд наслах вэ гэж асуухад шүлэглэж толгой холбон хэлж байна:

Модны зах харагдаж эхэлжээ. Чи өмнө нь асуусан зүйлээ дахиад асуугаад байна гэхдээ би хэлий:

Чи вангийн эрин, .............. .........эрин, мангийн эрин, ......... эрин гэх шиг л болсондоо тийм эрин дуустал амьдрах юм байна гэв. Эринүүдийн нэрийг үнэхээр тогтоож чадсангүй учир нь монгол нэрүүд биш байлаа.
Би сайн ойлгосонгүй ээ, надад үүнийгээ тайлбарлаад өгөөч гэхэд газрын зураг шиг том шаргал цаасан дээр хагас тойрог зурж байснаа нэг эрин нэг тойрог, нийлээд 4 эрин  амьдрахаас 1 эриний хугацаа чамд үлджээ гэв. Би 3 дахь эрин дээрээ амьдарч байгаа бололтой юм.)

 Ингээд ердөө 3 хоногийн өмнө бурхан багшийн амьдралын тухай нэгэн ном уншиж байтал ийм өгүүлбэрүүд байсныг шууд хуулж бичвэл:

"Бодхисатвагийн өлзий хутаг цогцоллоо. Түүний маш удаан үргэлжилсэн буяны аян төгсгөл болох дөхөж, бүх буяны паарамигаа төгс төгөлдөржүүлж, одоо өөрөө огоот гэгээрч Бурхан болж чадахуйц сүүлийн төрлөө авчээ. Бодхисатвагийн урт аян ийнхүү төгсгөл болох дөхлөө. Тооцоолшгүй дөрвөн галав (тооцоолшгүй нэг галав нь нэгийн хойно 140 тэг тавьсантай тэнцэнэ. Мөн 100000 галавын өмнө тэрбээр нэгэн бярманы гэрт Сумедха нэрт хөьгүүн болон мэндэлжээ" гэжээ

Хэрэв 2 жилийн өмнөх энэ зүүдийг энэхүү номоор тайлбал гэгээрэхэд дахиад нэг тооцоолшгүй галав 100000000000000000000  00000000000000000000 00000000000000000000 00000000000000000000 00000000000000000000 00000000000000000000 00000000000000000000 жил буюу мөн ийм хэмжээний төрөл авч байж сүнсний наслалт маань дуусахнээ.

Өмнө нь 3 00000000000000000000 00000000000000000000 00000000000000000000 00000000000000000000 00000000000000000000 00000000000000000000 00000000000000000000 жил насалсан бөгөөд  мөн тооны удаа төрөл авсан байж болох нь. 

Төсөөлшгүй урт хугацаа, төсөөлшгүй урт зам. Дахиад яаж 1 0000000000 0000000000  00000000000000000000 00000000000000000000 000000000 00000000000 00000000000000000000 00000000000000000000 000000000 00000000000 жил насалж улиг болсон амьдралаа давтах вэ.

Дахиад л төрнө, дахиад л сурна, дахиад л дурлана, дахиад унана, дахиад босно, дахиад үхнэ, уйлна, үзэн ядна, хорсоно, шанална......хайрлана. Зовлонт мэдрэмж аз жаргал руу, аз жаргалтай мэдрэмж зовлон руу хичнээн ч удаа савласан юм.

Төсөөлшгүй он цагийн уртад үзэн ядалт, уур хилэн бүхэн маань хайр руу хичнээн ч удаа урвасан юм.

Урьд өмнийн үзэн ядалт, өчигдөрийн уур хилэн, өнөөдрийн өшөө хорсол, жигшил зэвүүцэл бүхэн эцэстээ хайр болон хувирах жамтай юм байна.

                Байгалийн жам - хайрын урвал - амар амгалан
Та энэ насандаа хэн нэгнийг хичнээн үзэн ядлаа ч хэзээ нэгэн цагт зүрхээ тасартал хайрах болно. Нэгэнт л хайр болон хувирахаас цааш байгалийн жамыг сөрж үзэн ядаад ч яах билээ. Хугацаа алдахын нэмэр юмдаа......

                            Бүх зүйл мөнх бус. Абсалют тэг төлөв.

Сайн найз минь.....

2015 оны 11-р сарын 11 Нийтэлсэн Аялагч зүүдчин, Зүүдчин

 Моддын завсраар нарны гэрэл шургасан, дулаахан ой дотор томхон гол урсана. Дулаан орон бололтой. Хүмүүс голын эргээр амран голын цаад эрэгт сайхан охидууд шаагилдана. Би усанд хөлөө дүрэхээсээ айн зогсоход намайг нэгэн эр түлхээд оруулчихал арай ч живсэнгүй хөвөн хөл арайхийн ёроол хүрэн алдсаар голын дунд очлоо. Намайг аваарай гээд хашгирахад голын эрэгт чанга чанга инээлдэн зугаацах охидоос нэгэн тэгш өндөр нуруу урт хөл гоолиг биетэй, үсээ задгай тавьсан царайлаг инээд алдсан, өөртөө бардам итгэлтэй, ерөнхийдөө өөрийнхөө хөөрхөн сайхан гэдгийг мэддэг бололтой нас бие гүйцэж яваа сайхан охин эргэж хараад сэлж чадахгүйн байж яах гэж гол руу орсиймбээ хэмээн хашгирч ихэрхүү загнаж байгаа боловч гүндээ хайрлаж байгаа нь илт, намайг авахаар хоолой татсан усанд орон надруу чиглэн ирлээ. Би түүнийг эгчийгээ хэмээн мэдэрч байлаа. Би бол нэг тийм халтардуу хүүхэд, хувцастайгаа усруу орчихсон жаахан 10  нас орчим настай юмуудаа гэмээр. Тэр гуалиг бие ээ гарган зүс царайгаа гайхуулан зогсох тэр үзэсгэлэнтэй эмэгтэй бол хар багын найз минь чи байсийшүүдээ хэхэ. Их гайхуулдаг байсан болохоор энэ насандаа хөл дугуй нүүр, сэвхтэй байна шүү хэхэ. Уурлаагүй биздээ. Энэ бол урд нас. Урд насны эгч дүүсийн холбоос энэ насандаа итгэлт найз болон учирчээ.

Одоо ч би усанд сэлэхээс айдаг хэвээрээ.

Урд насны холбоо

Хувь заяаны дахин учрал 

Үйлийн үр

Анхны сэтгэгдэл эдгээр бүгд харилцан хамааралтай гүн холбоотой ухагдахуунууд юмаа. 

Нойрны саажилт ба сүнсэнд даруулсан нь

2015 оны 11-р сарын 11 Нийтэлсэн Аялагч зүүдчин, Зүүдчин

Урьд өдөр нь чөтгөртэй кино үзсэнээс л болж байгаан чөтгөр далласан уу эсхүл тохиолдол нь таарав уу нойрны саажилтад дахиад өртөв.

Далласан уу гэдэг нь бас учиртай.

Гагцхүү бодол л үйлдэл рүү түлхдэг шүүдээ.

Оршуулгын газар очсоны маргааш нэг өртсөн. Одоо хоёр дахиа өртөж байгаа нь энэ л дээ.

Ямартай ч ид шөнө дунд гэнэт ухамсар сэргэг болж хэн нэгэнд тас тэврүүлсэн мэт хөдөлгөөнгүй хөшлөө.  Тарни унший гэвч хэлний уг ч хөдөлсөнгүй аль ч үед надад захирагддаг ухамсар маань таг хөдөлгөөнгүй.

Гэвч сандарсангүй. Аан сүнс чи намайг дарж байна уу, чи намайг дийлдэг нь биш хэмээн сэтгэнгээ тарни уншихад өнөөх тэврэлт бага зэрэг суларч, хэл гацаатай ч гэсэн хөдөлж эхлэв. Саажилт бүрэн арилаагүй байлаа. Гэвч орноосоо гулган бууж нөхөр дээрээ очин гэрт нэг юм байна, чөтгөр байхаа гэлээ. Нөхөр аан тиймүү арц уугиулах уу гээд бослоо.

Тэгээд газар суун алгаараа газар цохин пад тарнийг тавантаа  хэлэхэд өнөөх тэврэлт цохиулсан мэт холдож бүх бие бүрэн тавирч суларлаа. Ингээд өөрийн ухамсарын гэрлийг хэвийн болгох тарни мөнхүү уншихад биенээс гэрэл цацран хэвийн байдалдаа орлоо.  За болчлоо гэж бодох зуур ахин сэрэхэд маш их халууцсан байдалтай орон дотроо сэрлээ. Пээх яасан айхтар халаа вэ миний бие. Өөрийгөө физик биеэрээ боссон гэж андуурчээ.

Сэрээд удааүй байж байтал нөхөр маань зүүдэлж байга бололтой хүүе хаая холд хэмээн хашигарч эхэллээ. Нөхрөө сэрээн тайвшруулан юу зүүдэлснийг асуухад толинд хар царайтай муухай хүний дүрс үзэгдээд түүнийг хөөлөө гэж байлаа.

Ингээд харахад хүний зүүдлэх зүүдийг чиглүүлж болж байгаа биз. Зүүднийх нь эзэн байж болох хувилбар бас байна гэсэн үг. 

Нөгөөтэйгүүр зүүдэнд дарах сүнсийг зайлуулах, сүнс дараагүй байлаа ч нойрны саажилтаас ангижрах арга байдаг байх нь.  Мөн астралд гарахын өмнөх хэт тайван байдал, нойрны саажилтанд тулгардаг бие хөшсөн байдал бол эрс ялгаатай бөгөөд нойрны саажилтыг ашиглан астрал хийх гэдэг нь сайн үр дүнд хүргэхгүй байх магадлалтай. 

Хайр ба Шунал

2015 оны 09-р сарын 17 Нийтэлсэн Аялагч зүүдчин, Зүүдчин

Хүн төрөлхөөсөө л хувиа хичээгч байдаг бололтой юм. Байгалаасиа амьд явах зөндөө захирагдан аминч үзэл, үхэхээс айх айдас, би гэх үзэлдээ баригдан амьдардаг ажээ.
1. Хүүхэд гарганаа хөгшрөөд хөлөө хучуулнаа - Өөрийгөө л харуулах гэж хүүхэд гаргадаг уу, хүнд амь өгөх гэж хүүхэд гаргадаг уу. Хүүхдээ төрүүлэхдээ өөрийнхөө өмнө өртэй гээд бодцон ????.

Жинхэнэ хайр бол миний хүү минь чи ээжийнхээ өмнө ямар ч өргүй ээ гэж хэлдэг бусуу.
2. Чиний чадна гэж юу байдгийн гээд л өмнүүр нь ороод байна-- Би чамаас илүү мундаг гэх сэтгэлгээ өөрийнх нь далд ухамсарт нь сууцан. Миний аав ээж МУНДАГ гэж хэлүүлэх хэрэгцээгээ хангаад л... магтуулах дуртай. Үнэхээр хайртай бол өөрийн чинь байхгүйд ч амьдрах чадвартай хүүхэд өсгөх ёстой бусуу ?????
3. Жоохон том болохоор нь чи яахаараа чаддаггүй юм гээд л дарамтлана. Өөрөө урдуур нь орсоор байгаад хүүхдээ бие даалгаагүй. Тэгээд чи надгүйгээр яаж амьдрах юм пээ гээл .... Өөрийгөө цаагуураа далдуур өргөмжилсөөр л... ?????

Жинхэнэ хайр байсан бол өөрийгөө өргөмжилөхөөс илүү амьдралд хэрхэн тэмцэхийг заах ёстой бусуу?????
4. Хүн төрөлхтөн гэр бүл болж амьдарсан үеэс хойш гэрийн ажлыг хуваарилаж хийх хуваарилалтын системд шилжсэн. Гэхдээ одоо шинж чанар нь өөрчлөгдөөд маш сайн супер эзэгтэй болох хүсэл нь цаагуураа нөхрөө алдахгүй гэсэн хүсэл айдастай нь холбоотой. Тэгээл эрх чөлөө дутагдаад ирэхээр би тогоо шанагаа аваад явчихаа юу гээд л цамнаж өгнө дөө. Ганцаар үлдэх айдсаар ханиа хүлнэ, өрөвдүүлнэ.

Хүнийг хариу нэхэлгүй хайрладаг, өр авлагын хэлхээсэнд бүртгээд байдаггүй, сүлэрсэн цайгаа чанаад л хүлээн суудаг ээжийгээ ямар их санаж байнаа... Та нар өөрсдөө л хичээ. Би яахав болно гэдэгсэн. Энэ л жинхэнэ хайр...

Жинхэнэ хайр  бол хүчээр, арга саамаар тогтоохгүй эрх чөлөө жинхэнэ хайрыг мэдрүүлэх. Хүн хаана эрх чөлөө, хайр мэдрэнэ тэндээ байх сайхан. Таны хажууд тогтохоо болсон найз, нөхрийг явуулах эр зоригийг хайр гэнэ.


Ингээд л тоочоод байвал олон зүйл бичих байх. Ингээд хараад байхад хүн төрөлхийн нэр төр, шунал, хүсэлтэй төрдөг бололтой юм.
Тэгэхээр хүн төрөлхөөсөө шахуу шуналтай төрдөг байх нь. Далд ухамсарт нь олон олон төрлийн туршид арилшгүйгээр тамгалагдсан.
Ирээдүйгээ төлөвлөхдөө шуналаар чиг баримжаа хийвэл бид төөрнө. Бодлын мананд хучигдана. Зовлон тасрахгүй.

Хайраар чиг баримжаа хийвэл төөрөхгүй. Явах зам саруулсаж тоос тортог үгүй. Энэ бол амар амгалан. Энэ бол хайрлаг амьдрал.

Зөв хайр. Жинхэнэ хайр мандутгай.

Ирээдүйн төлөөх санаа зовнил ба ирээдүйгээ төлөвлөх нь

2015 оны 09-р сарын 14 Нийтэлсэн Аялагч зүүдчин, Зүүдчин

Хүмүүс ихэвчлэн ирээдүйгээ төлөвлөх гэдэг бол түүнийхээ төлөө санаа зовох гээд ойлгочихсон байдаг шиг санагдсан.
Бидний толгой дотор өдөртөө 70 мянга орчим бодол эргэлдэж тэрхүү мэдээллийг боловсруулахын тулд бид өөрсөддөө буй энергээ хуваан зарцуулж байдаг.  Байгаа энергээ 100 хувь гэж тооцох юм бол 70 мянган бодолд хуваагаад үзвэл нэгж бодолд зарцуулах энерги гарна.
Магадлалаар аваад үзэхээр 70 мянган бодллын 1/3 нь ирээдүйн төлөөх санаа зовнил, дахиад 1/3 нь өнгөрсөн үеээ бодож гансарч байх магадлалтай.
Ирээдүйд, ирээгүй байгаа зүйлийн төлөө санаа зовних нь ирээдүйд болох юуг ч өөрчилж чадахгүй энэ бол хууль. Физикийн хууль гэдэг шиг.
Өнгөрсөн дурсамжаараа амьдрах нь бас л ямарч өөрчлөлт, хөгжил дэвшил авчирахгүй. Энэ бол бас л хууль. Байгалийн хууль.
Нэгэт өөрчилж чадахгүй зүйлийн тухай бодсоор та залхахгүй байна уу, ядрахгүй байна уу. Ядарч цөхөрч, утгаггүй бодлын үймрээнээс зугтаж ойд ч юмуу агуйд ч юмуу очоод хэвтчихмээр санагдах үе байгаа биз. Нэгэнт өөрчилж чадахгүй зүйлийн талаарх бодлын шуургыг намжаагаад, яг одоо энд байгаа зүйлдээ анхаарлаа хандуулья.

Хаашаа явах замаа тодорхойлсны дараа төлөвлөгөөгөө тойруулж түм буман эргэлзээний шуурга дэгдээж, өнгөрсөн дэх бүтэлгүй туршлагатайгаа хольж хутгаж үймрэх хэрэггүй. Төлөвлөгөөгөө яг таг тодорхой байдлаар бодолдоо хараад санаа зовнилийг таягдан хаяий. Ингэж чадвал үлдсэн 1/3 энергиэ одоо цаг дахь нэгж бодолд зарцуулах энергийн хэмжээ өсөж бидний бодол энергиждэг. Энерги их хуримтлуулсан бодлын биелэх магадлал төдий чинээ өндөр.
Тэгэхээр дахиад хэлэхэд бодлын үймрээнээс саж чадвал ирээдүйгээ маш сайн харж төлөвлөж чаддаг юм шүү.
Жишээ аваад үзий: Нэгэн мөнгөний ажил бүтээх санаатай маргаашийн ажлаа төлөвлөллөө. Орой нь нөгөөхөө бодоод л шанална. Бүтэх болов уу яах бол, нөгөө хүн маань ирдэг байгаадаа, муу цус чинь үхчих вээдээ, гэмтчих вийдээ, за би ер нь бүтэлгүй амьтандоо, миний буян дутаад байна гэх зэргээр өөрийгөө болон өрөөлийг басаж зүхнэ түмэн эргэлзээ буман таамаг тавьж эхлэнэ. Нээрээ яг бүтэхгүйдээ өнгөрсөнд намайг яаалаадаа чамайгдаа муу нохойн баас ....... сүүлдээ нойр нь сэргээд галзуурах гэж байгаам шиг санагдаал ямар нэг эм уугаад унтанадаа аягүй бол.... Энэ бол дэмий хийрхэл санаа зовнил. Ингэснээр бид ирээдүйг өөрчилж чаддаггүй гэдэг хуулийг сайн санаж байх хэрэгтэй.
Яг одоо цаг дээрээ байж одоо цагаа зөв, цэгцтэй байлгаж чадвал бодол бүхэн маань зөв энергээр хүчирхэгжиж хувь заяа бидний гарт өөрөө ороод ирнэ.

Энэ маш хялбархан арга, хүн бүр л мэддэг боловч ихэнх хүмүүсийн хийж чаддаггүй зүйл юм.

Юуг ч битгий хүлээ. Өөртөө л найд. Дахиад хэлий, бодлын утгаггүй үймрээнээс сал. Би гэгээрэл рүү явж байна, шинжлэх ухааны нээлт хийхээр явж байна. Энэ бол хүрэх замаа олсон миний төлөвлөгөө. Ирээдүйгээ төлөвлөх гэдэг бол явах замаа маш тод томруунаар харах үйл явц болохоос санаа зовнилын манан будангаар явах замаа хучих үйл явц биш юм.

Аливаад хэт санаа зовох нь айдастай байгаагийн илрэл. Айдсын манан. Манантай замаар зөв замаа олж явж чадах уу.... төөрөх магадлалтай. Тиймээс бодлын манангийн хучаасийг яр. Айдсаа орхи.

Зөв зам сонгосон эсэх дээр эргэлзээ үүсэж болох юм. Тэгвэл хойд зүгийг алтан гадас заадаг шиг гаргаж байгаа шийдвэр бүр чинь хайр байсан уу гэж өөрөөсөө асуу. Хүүхдээ загнасан ч өөрөөсөө хайрласан уу гэж асуу. Нөхөртэйгөө зөрөлдөхдөө хайр байсан уу гэж асуу. Амрагаасаа салах бол хайр байсан уу гэж асуу. Аливаа шийдвэрийг гаргахдаа ХАЙР дээр суурилсан уу, АЙДАС дээр суурилсан уу гэж өөрөөсөө асуу.

Хайраар шийдсэн бүх зам зөв байдаг.


Урьд насыг зүүдэлсэн нь

2015 оны 08-р сарын 25 Нийтэлсэн Аялагч зүүдчин, Зүүдчин
Танил эгч маань урд насаа зүүдлээд өг гэж гуйсан тул зүүдээ манан нойрлугаа явлаа. Нэг л тухгүй амжилт муутай байсны эцэст хүсэл ихдсэнийг ухаарч хүслээ багасган дахиад л нойр руугаа явж төлөвтөө орлоо.
Эрхэмсэг донж төрх бүхий, урт цагаан даашинзтай нэгэн царайлаг эмэгтэй цайвар цагаан засалттай бүдэг гэрэл туссан тайз, хөшигний өмнө толгойгоо хажуу тийш нь донжтой нь аргаггүй гэлжийлгэн, өвдгөө ялимгүй бохирон зогсож цээжнийхээ урд гараа нугалан, цагаан өнгийн цэцгэн хээтэй дэвүүр барин инээмсэглэн,  бүжиглэж дууссан бололтой ёслон зогслоо. Их л намуухан бүжиг байсан бололтой. Иймхэн зүйл харлаа гэжүүдээ хэмээн сэрж дахин амьсгалаа ажигласаар унтаа сэрүүний завсар руу явлаа.
Дахин төлөвтөө ороход мөнөөх эмэгтэй дуулж байнаа. Үсээ хагалан самнасан өөртөө итгэлтэй үзэсгэлэнтэй хөөрхөн гэдгээ мэддэг ч намуухан, даруухан, зөөлөн аястай юм. Тэгээд ийнхүү дуулах юм.

Хурын ус шиг хоолой
Уяхан төрх минь чамд

Нэгийг бодуулам за

хэмээн намуухан мөртөө уянгалаг эгшиглэнтэй хоолойгоор дуулж байхыг нь сонслоо. Эмэгтэйн дуулахыг сонссон хэний ч сэтгэл хөвсөлзөн долгиотож, эмтрэхээр ажээ. Хэрэв хөгжимчин байсан бол аяыг ноотлоод сууж байхгүй юу. Чихэнд одоо хүртэл цууриатаад л байнадаа. Танил эгч маань бүжигчин дуучин явжээ. Их намуухан эрхэмсэг донж бүхий одоогийн ааль төрх нь урд насных нь урлагийн амьдралаас нь ирсэн гэлтэй. Эгчид зүүдээ ярин асуухад яагаад ч юм дууны их авьяастай, хөгжимд дуртай байдагаа гэж надад ярьсан юм.

Сайхан наадамлаарай

2015 оны 07-р сарын 10 Нийтэлсэн Аялагч зүүдчин, Зүүдчин

Төгрөг нар инээж талын монголыг ээнэ

Тэнгэрлэг ардын зүрх булиглаж наадамдаа яаран сэрнэ

Тэнгэрт хур бөөгнөрүүлж хурмаст хүртэл баярлаж

Тэгшийн заяа нь нар зөв иргэж наадам ирнэ

Дэнжийн зүг дурдан тоос татаад

Тэнгэрээс хурын тусал газар үнэсэн бууж

Талын монгол нутагт минь наадам айлчлан ирнэ

Түмний сэтгэл хөдөлж нартай наадам эхэлнэ

Заяа нийлсэн амрагтайгаа жаргал хөтлөн алхаж

Зуны дэлгэр өдөр дээлээр гангарч мишээнэ

Зуун зуун жил амьдрав уйдамгүй нутагтаа зальбарч

Зүг зүгээс инээд хөвөрсөн наадмын дэнж дээр очно

Хүлэн морьдын хөлсийг амлан баярлана

Хүй залгаа ахан дүүстэйгээ хуучлан жаргана

Хүчит бөхчүүдийн хийморь дор мэлмий баярлаж ,заяа тэгширнэ

Худан сурын эрчийг хараа гүйцэлгүй хурайлна

Хүй сайхан нутагт минь наадам ирлээ

Би бол ус

2015 оны 06-р сарын 30 Нийтэлсэн Аялагч зүүдчин, Зүүдчин

Би бол далай мэт их ус
Ойн гүнд урсах булгийн тунгалаг ус
Булингартаад өөрийгөө цэвэрлэх урсгал ус
Шалбааг болон тунарч өт хорхой тэжээх цөөрмийн ус.
Би  амьдралыг тэтгэгч рашаан ус
Үүнийхээ төлөө үл баясан яваад өнгөрөх ус
Би бол үерийн их ус
Хайр найргүй урсган арчих хуйларсан их ус
Хамаг амьдралыг сүйтгэсэн ч
Зовох юмгүй урсан өнгөрөх урсгал их ус...

Би бол ус ...

Image result for water woman

Нис, Нис, Дүүлэн нис

2015 оны 06-р сарын 15 Нийтэлсэн Аялагч зүүдчин, Зүүдчин
Зүүдний аялалыг яаж сурсан бэ гэж үү. Өөрийгөө шинжиж, эмхэлж явтал ийм юм тохиолдсон. Бүрэн дүүрэн тайвшрах, нэг сайхан унтах, сэтгэл амар байх шалтгааныг хайсаар явтал гэнэт гайхамшиг ирсэн. Бодолд эзлүүлж зомби шиг явахдаа бодлыг захирах юмсан гэсэн хүслээс энэ бүхэн эхэлсэн.

Хариу нэхэхгүй хайрлаж, үзэн ядахдаа сохорч, хараа орохыг хүсэхэд энэ гайхамшиг эхэлсэн. Зовлон бүхэн сорилт гэдгийг ойлгосон мөчид зүрх минь шархирхаа больж сэтгэл минь эрх чөлөөтэй болсон. Зовлон учруулж буй бүхэн үнэнийг таниулах багш байдаг. Хайраар шийдсэн бүх зам зөв байдаг.

Бүх зүйл ид шидийн юм шиг бүтдэггүй. Аажим аажмаар алхам алхамаар дадуул. Их битгий хий, бага битгий хий. Өдөр бүр хий хэмээх үг гайхалтай зохицдог

Хүн бүрт энэ уугуул чанар бий. Бид уугуул чанараа үзлээр, үзэн ядалтаар, муу сэтгэлээр боомилж байдаг. Зүүдний аялал бол сүнсний эрх чөлөө. Өөрийгөө бодлоос, үзэн ядалтаас,  өмчлөлөөс чөлөөл. Та улам хол аялна.

Image result for Flying

Эрх чөлөөг амтал. Муу бүхнийг таягдан хаяад ...  Нис, Нис, Дүүлэн нис

Хайр ба Итгэл

2015 оны 06-р сарын 03 Нийтэлсэн Аялагч зүүдчин, Зүүдчин

Хайр бол зам юм.

Итгэл бол унаа юм.

Хайр байгаа цагт бид төөрөхгүй.

Итгэл байгаа цагт бид сатаарахгүй.

Хайраар замчилж, итгэлээр жигүүрлэсээр хүрэх газраа хурдан очиноо гэж.

Дэлхийн ван дээр зочилсон нь

2015 оны 06-р сарын 03 Нийтэлсэн Аялагч зүүдчин, Зүүдчин

Шөнийн аялалаар нэгэн гариг дээр зочиллоо. Ерөнхийдөө хэд хоногийн өмнөөс дэлхий ван, далайн ван гэж ямархуу гариг байдаг тухай бодож байсан болохоор энэ хоёрын нэг байж магадгүй. Гаригууд руу за явья гээд оччихдоггүй. Гаригийн давтамжтай өөрийн давтамжийг нийцүүлсэн цагт аялж болдог. Давтамж тохирохгүй бол хүлээж, өөрийгөө цэвэрлэж  "янзлана" даа.

За ингээд очсон гаригийн шинж тэмдэгийг дүрслье.

Гайхалтай нь нэгэн эмэгтэй бололтой дуу хоолой надад юмсыг тайлбарлаж байв.
Холоос харахад түнэр харанхуй, хар харагдах, хөрсөн дээр нь буусан ч хөө мэт хар өнгө ноёлсон  гариг юм. Тэгснээ нар жаргах үед тэнгэрийн хаяанд тодордог улбар, улаан өнгийн цацраг гаригийн хөө хар өнгөтэй холилдон, үелэн харагдана. Нар дөнгөж харагдах төдийд үзэгдээд өнгөрдөг гэлтэй сэтгэгдэл төрөв.
Тэр гаригийн хөрсний тухай мэдээллийг нөгөөх эмэтгэй надад намуухан өгүүлнэ. Энэ гаригийн хөрс хөлдсөн хийнээс бүтсэн бөгөөд  шороон хөрсийг бодвол сийрэг гэж мэдрэгдэж байна, ус байгаа боловчиг хийтэйгээ жигд холилдоогүй, энд тэндгүй ус нь маремлад шиг (яагаад ч би зүүдэндээ гарцаагүй маремлад шиг зөөлөн бөгөөд нягтарсан гэж мэдэрч байв) дөрвөлжин талст хэлбэрээр гаригийн хөрс гэж нэрлэж болох давхрагаар жигд тархан орших юм.
Хэтэрхий нам гүм тайван гариг юм. Надад тайлбарлагч эмэгтэй харагдах дүрсгүй боловч ер бусын намуухан, эмэйгтэйлэг, зөөлөн илбэх салхи аястай гэдэг нь тодорхой мэдрэгдэж байлаа.
Гаригийг хөндлөнгөөс харвал энэ дэлхий дээр хардагаас ч тод хар өнгө огторгуйн харанхуйгаас ялгаран, тодоос тод улбар шар өнгтэй холилдсон дүр зураг бас л гайхалтай харагдах юм.
Саран дээр очиход эрэгтэй хий биетэй дайралдсан. Энэ гариг дээр харин эмэгтэйлэг мэдрэмж илэрхийлсэн дуу хоолойтой учрав. Гариг бүр дээр өөр өөрсдийн эзэн, хий биеүүд байдаг байж магадгүй. Саран дээр дайралдсан түрэмгий эрийг бодвол энэ гаригийн эмэгтэй маш ялдам найрсаг, намуухан төлөвтэй байв.
Эдгээр эрэгтэй эмэгтэй хүмүүс гэж нэрлээд байгаа зүйлүүд бол биет бус ухамсарууд юм. Ухамсар нь гариг ертөнц, оршихуй даяар шороо мэт, агаар мэт, ус мэт жигд тархан оршдог энерги юм билээ. Сансрын уудам зайн хааначиг хайрцаглагдсан ухамсар болоод оршихуйн ухамсар тархан оршдог билээ.

Архив